દરરોજ સવારે ઉઠીને ભૂલ્યા વગર કરો આ કામ, દુર્ભાગ્ય સૌભાગ્યમાં ફેરવાશે અને મળશે દેવી દેવતાના આશીર્વાદ.
હમેંશા એવું કહેવાય છે કે સારા કર્મોનું ફળ સારું મળે છે. પરંતુ ઘણી વખત સારા કાર્યો કર્યા પછી પણ વ્યક્તિને તે બધું પ્રાપ્ત થતું નથી, જે તે ઇચ્છે છે. વ્યક્તિનું ભાગ્ય તેની તરફેણ કરતું નથી. ગ્રહોની ખરાબ અસરને કારણે આવું થાય છે. જ્યોતિષ શાસ્ત્રમાં કેટલાક એવા કામો વિશે જણાવવામાં આવ્યું છે, જે નિયમિત રીતે સવારે કરવામાં આવે, તો વ્યક્તિનું દુર્ભાગ્ય દૂર થાય છે. ચાલો તેના વિષે જાણીએ.
ઈષ્ટદેવની પૂજા કરો : એવું માનવામાં આવે છે કે નિયમિત રીતે તમારા ઈષ્ટદેવની પૂજા કરવાથી વ્યક્તિનું દુર્ભાગ્ય સૌભાગ્યમાં ફેરવાઈ જાય છે. ભગવાનના આશીર્વાદથી વ્યક્તિની તમામ મુશ્કેલીઓ દૂર થઈ જાય છે અને તે આગળ વધે છે.
ગાયત્રી મંત્રનો જાપ કરવાથી સંકટ દૂર થશે : ગાયત્રી મંત્ર પણ હિન્દુ ધર્મના અનેક મંત્રોમાંનો એક છે. આ ખૂબ જ અસરકારક મંત્ર છે. એવું માનવામાં આવે છે કે, આ મંત્રનો જાપ કરવાથી વ્યક્તિમાં સકારાત્મકતાનો વિકાસ થાય છે. સાથે જ દુઃખ અને દરિદ્રતાનો પણ નાશ થાય છે. એવું માનવામાં આવે છે કે આ મંત્રનો નિયમિત જાપ વ્યક્તિને સફળતા તરફ લઈ જાય છે.
આંખ ખુલતાની સાથે જ આ મંત્રનો જાપ કરો : ધાર્મિક ગ્રંથો પ્રમાણે, વ્યક્તિએ સવારે ઉઠતાની સાથે જ પોતાની હથેળીઓ જોવી જોઈએ. કહેવાય છે કે વ્યક્તિના હાથમાં માતા લક્ષ્મી, માતા સરસ્વતી અને ભગવાન વિષ્ણુનું સ્થાન હોય છે. માટે સવારે ઉઠ્યા પછી હથેળીઓ જોડીને આ મંત્રનો જાપ કરો અને પછી હથેળીઓના દર્શન કરો. આમ કરવાથી વ્યક્તિનું દુર્ભાગ્ય દૂર થાય છે.
મંત્ર : કરાગ્રે વસતે લક્ષ્મીઃ કરમધ્યે સરસ્વતી. કર્મુલે તુ ગોવિન્દઃ પ્રભાતે કર્દર્શનમ્ ।
તુલસી પાસે દીવો પ્રગટાવો : હિંદુ ધર્મમાં તુલસીનું પવિત્ર સ્થાન છે. એવું માનવામાં આવે છે કે તુલસીની નિયમિત પૂજા કરવાથી વ્યક્તિના દુર્ભાગ્ય દૂર થાય છે અને તેને સૌભાગ્ય મળે છે. સવારે ઉઠ્યા પછી સ્નાન વગેરે કર્યા પછી નિયમિત રીતે તુલસી પાસે ઘી નો દીવો કરવો. આમ કરવાથી ઘરમાં સકારાત્મક ઉર્જાનો સંચાર થાય છે અને નકારાત્મક ઉર્જા ઘરની બહાર જાય છે.
સૂર્યને અર્ઘ્ય અર્પણ કરવું : સૂર્યને તમામ ગ્રહોનો રાજા માનવામાં આવે છે. સૂર્યનો સંબંધ પિતૃઓ (પૂર્વજો) સાથે છે. તેથી સૂર્યદેવને નિયમિત જળ ચઢાવવાથી પિતૃઓની કૃપા પ્રાપ્ત થાય છે. સ્નાન કર્યા પછી તાંબાના વાસણમાંથી જળ ચઢાવવાથી વ્યક્તિને દરેક કાર્યમાં સફળતા મળે છે. સમાજમાં તમને પ્રતિષ્ઠા મળશે. સાથે જ પિતૃ દોષથી પણ મુક્તિ મળે છે.
(ડિસ્ક્લેમર : અહીં આપેલી માહિતી સામાન્ય ધારણાઓ અને માહિતી પર આધારિત છે. અમે તેની પુષ્ટિ કરતા નથી.)
આ માહિતી ઝી ન્યુઝ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
