હસ્તરેખા શાસ્ત્ર અનુસાર હથેળી પર આંગળીઓની બરાબર નીચે આવી રેખાઓ હોય તે લોકો પૈસાની દ્રષ્ટિએ ખૂબ જ ભાગ્યશાળી હોય છે.
શ્રીમંત બનવાની ઈચ્છા કોને નથી હોતી? પરંતુ ઘણીવાર સાચી દિશામાં સખત મહેનત અને પ્રયત્નો કરવા છતાં પણ વ્યક્તિ ધનવાન નથી બની શકતો. વ્યક્તિ ધનવાન બનશે કે નહીં, તેની પાછળ ભાગ્ય કે હાથની રેખાઓની પણ ખૂબ જ મહત્વપૂર્ણ ભૂમિકા હોય છે. આ બાબતમાં કેટલાક લોકોનું નસીબ ખૂબ જ શુભ હોય છે. જ્યોતિષ શાસ્ત્રના નિષ્ણાતો કહે છે કે, આપણા હાથમાં કેટલાક એવા સંકેતો અને રેખાઓ હોય છે જે આપણને ભવિષ્યમાં આપણે કેટલા અમીર બનવાના છે તે જણાવે છે.
હથેળી પર V નું નિશાન :
હસ્તરેખા શાસ્ત્ર અનુસાર, હૃદય રેખા આપણી આર્થિક સ્થિતિ વિશે ઘણું બધું કહી જાય છે. આ રેખા પર V નું નિશાન અપાર સંપત્તિ દર્શાવે છે. આ નિશાન પણ મનુષ્યની સફળતાની નિશાની છે. એવું કહેવાય છે કે જે લોકોના હાથ પર આ નિશાન હોય છે તેઓ ભવિષ્યમાં ખૂબ પૈસા કમાય છે.
ત્રણ લીટીવાળો ‘H’ શું કહે છે?
હથેળી પરનો ‘H’ ત્રણ રેખાઓની મદદથી બને છે. આ આપણા હૃદય (દિલ), નસીબ (ભાગ્ય) અને મગજની રેખાઓ હોય છે. જ્યારે આ રેખાઓ હથેળી પર મળે છે ત્યારે ‘H’ બને છે. એવું કહેવાય છે કે જે વ્યક્તિની હથેળી પર ‘H’ બને છે, તેના જીવનમાં 40 વર્ષની ઉંમર પછી ઘણા સારા બદલાવ આવે છે. તેઓ પૈસા અને કારકિર્દીના સંદર્ભમાં વધુ શક્તિશાળી દેખાય છે. જ્યારે 40 વર્ષની ઉંમર પહેલા તેમણે ઘણો સંઘર્ષ કરવો પડે છે.
હસ્તરેખા શાસ્ત્ર અનુસાર જો હથેળી પર આંગળીઓની બરાબર નીચે ઊભી રેખાઓ હોય તો આવા લોકો પૈસાની દ્રષ્ટિએ ખૂબ જ ભાગ્યશાળી હોય છે. આ રેખાઓ જેટલી સ્પષ્ટ અને ઊંડી હશે, આર્થિક બાબતે વ્યક્તિનું ભાગ્ય એટલું જ મજબૂત બનશે. આ લોકો બેંક-બેલેન્સ જાળવવામાં અને પૈસા જમા કરાવવામાં પણ ખૂબ જ નિષ્ણાંત હોય છે.
જો તમારી હથેળી પરની કોઈ રેખા અંગૂઠાની નીચેથી પસાર થાય છે અને રિંગ ફિંગરના નીચેના ભાગ સુધી પહોંચે છે, તો આ સંયોજન રાજયોગ જેવું જ હોય છે. આવા લોકો ખૂબ જ પ્રમાણિક અને ધનવાન હોય છે. તેમને પૈસા કમાવવા માટે ક્યારેય કોઈ શોર્ટકટનો આશરો લેવો પડતો નથી. તેમના જીવનમાં ક્યારેય પૈસાની અછત નથી આવતી. તેમને સમાજમાં પણ ઘણું સન્માન મળે છે.
(ડિસ્ક્લેમર : અહીં આપેલી માહિતી સામાન્ય ધારણાઓ અને માહિતી પર આધારિત છે. અમે તેની પુષ્ટિ કરતા નથી.)
આ માહિતી આજતક અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
