તમારી પ્રગતિના તમામ માર્ગો ખોલી શકે છે આ ફૂલ, જાણો તેના જ્યોતિષ ઉપાય.
નોકરી-ધંધામાં ઘણી સફળતા મળે અને અઢળક પૈસા અને સુવિધાઓ મળે તે દરેકનું સપનું હોય છે. પરંતુ તમામ પ્રયત્નો પછી પણ જો પરિણામ ન મળતું હોય તો અપરાજિતાના વાદળી ફૂલનો ઉપાય તમારી પ્રગતિના તમામ માર્ગો ખોલી શકે છે.
અપરાજિતા (શંખપુષ્પી) ના ફૂલને હિન્દુ ધર્મમાં ખૂબ જ વિશેષ માનવામાં આવે છે. આ ફૂલ ભગવાન વિષ્ણુને ખૂબ પ્રિય છે. આ સિવાય શનિદેવને પ્રસન્ન કરવા માટે આ વાદળી રંગનું ફૂલ પણ ખૂબ જ મદદગાર છે. ધર્મ ઉપરાંત જ્યોતિષમાં પણ અપરાજિતાના ફૂલને ખૂબ જ મહત્વપૂર્ણ માનવામાં આવે છે.
જ્યોતિષ શાસ્ત્રમાં અપરાજિતાના પુષ્પો માટે એવા અસરકારક ઉપાયો આપવામાં આવ્યા છે, જે ઝડપી અસર દેખાડે છે. પૈસા મેળવવાની વાત હોય કે નોકરી-વ્યવસાયમાં સફળતા મેળવવાની, અપરાજિતાના ફૂલનો ઉપાય આ બધા માટે ખૂબ જ અસરકારક છે. અપરાજિતાનું ફૂલ મોરના પીંછા જેવું લાગે છે.
અપરાજિતા ફૂલના આ ઉપાયો તમારા દિવસો બદલી શકે છે :
ધન મેળવવાના ઉપાય : ધનની અછતને દૂર કરવા અને પુષ્કળ ધન પ્રાપ્ત કરવા માટે સોમવાર કે શનિવારે વહેતા પાણીમાં અપરાજિતાના 3 ફૂલ પધરાવી દો. જલ્દી જ તેની અસર દેખાવા લાગશે.
નોકરીમાં પ્રમોશન મેળવવાનો ઉપાય : જો પ્રમોશન કે નવી નોકરી મેળવવાના દરેક પ્રયાસ નિષ્ફળ થઈ રહ્યા છે તો ઈન્ટરવ્યુ પહેલા માતાને અપરાજિતાના 6 ફૂલ, ફટકડીના 5 ટુકડા અને કમરે બાંધવામાં આવતો એક પટ્ટો અર્પણ કરો. પછી બીજા દિવસે તે પટ્ટો કોઈ છોકરીને આપો અને ફૂલોને પાણીમાં પધરાવી દો. બીજી બાજુ, તમારા ખિસ્સામાં ફટકડીના ટુકડા રાખો અને ઇન્ટરવ્યૂ માટે જાઓ. તમને ચોક્કસ સફળતા મળશે.
મનોકામના પૂરી કરવાના ઉપાય : જો તમારી કોઈ ઈચ્છા લાંબા સમય સુધી અધૂરી રહે છે તો દેવી દુર્ગા, ભગવાન શિવ અને ભગવાન વિષ્ણુને અપરાજિતાના ફૂલની માળા અર્પણ કરો. ભગવાન તમારી ઈચ્છા જલ્દી પૂરી કરશે.
(ડિસ્ક્લેમર : અહીં આપેલી માહિતી માત્ર માન્યતાઓ અને જાણકારીઓ પર આધારિત છે. અત્રે એ ઉલ્લેખ કરવો જરૂરી છે કે અમે કોઈપણ પ્રકારની માન્યતા, જાણકારીને સમર્થન આપતા નથી.)
આ માહિતી ઝી ન્યુઝ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
