ભગવાન ગણેશ આ રાશિના લોકો પર વરસાવે છે પોતાની વિશેષ કૃપા, જાણો શું તમારી રાશિ આ યાદીમાં છે
31 મી ઓગસ્ટથી ગણેશોત્સવનો પ્રારંભ થવા જઈ રહ્યો છે. હિંદુ કેલેન્ડર મુજબ, ગણેશ ચતુર્થીનો તહેવાર ભાદરવા મહિનાના શુક્લ પક્ષની ચોથના દિવસે ઉજવવામાં આવે છે. હિંદુ ધર્મમાં ભગવાન ગણેશ સૌથી પહેલા પૂજવામાં આવતા દેવ છે, એટલે કે કોઈપણ પ્રકારનું શુભ કાર્ય કે કોઈ પણ શુભ કે ધાર્મિક અનુષ્ઠાન કરતી વખતે સૌથી પહેલા ભગવાન ગણેશની પૂજા નિયમાનુસાર કરવામાં આવે છે અને પછી જ અન્ય પ્રકારની પૂજા શરૂ થાય છે.
એવું માનવામાં આવે છે કે ભગવાન ગણેશની પૂજા કરવાથી દરેક પ્રકારના કામ કોઈપણ અવરોધ વિના સફળ થાય છે અને ભક્તોની તમામ મનોકામનાઓ પૂરી થાય છે.
ગણપતિની પૂજા કરવાથી દરેક પ્રકારની પરેશાનીઓમાંથી મુક્તિ મળે છે. બુધવાર ભગવાન ગણેશને સમર્પિત છે, અને જ્યોતિષમાં પણ ભગવાન ગણેશનું વિશેષ સ્થાન છે. બુધ ગ્રહ જે જ્ઞાન અને સમૃદ્ધિનો કારક ગ્રહ છે તે ભગવાન ગણેશ સાથે સંબંધિત છે. જ્યોતિષ શાસ્ત્ર અનુસાર કેટલીક રાશિના લોકો પર ભગવાન ગણેશની વિશેષ કૃપા હોય છે. ચાલો જાણીએ કે ભગવાન ગણેશ કઈ રાશિના લોકો પર પોતાની વિશેષ કૃપા વરસાવે છે.
મકર રાશિ – જ્યોતિષ શાસ્ત્ર અનુસાર જે લોકોની રાશિ મકર હોય છે તેમના પર ભગવાન ગણેશની વિશેષ કૃપા હંમેશા બની રહે છે. મકર રાશિના લોકો સ્વતંત્ર વિચારવાળા અને મહેનતુ હોય છે. તેઓ હંમેશા પોતાનામાં ખોવાયેલા રહે છે. ભગવાન ગણેશની સાથે સાથે મકર રાશિ શનિદેવની પણ પ્રિય રાશિ છે. આવી સ્થિતિમાં આ રાશિના લોકો પર ભાગ્ય જલ્દી જ મહેરબાન થાય છે.
તેમને ઓછા પ્રયત્નોમાં જ હંમેશા સારા પરિણામ પ્રાપ્ત થાય છે. તેમને કામમાં હંમેશા સફળતા મળે છે. આ રાશિના લોકો પોતાની બુદ્ધિ અને કૌશલ્યના બળ પર સૌથી મોટા પડકારોનો સામનો કરવામાં પારંગત હોય છે. મકર રાશિના લોકો પર ભગવાન ગણેશની વિશેષ કૃપાને કારણે તેમના કામમાં અડચણો ઓછી આવે છે.
મેષ રાશિ – મેષ રાશિના લોકો પર ભગવાન ગણેશની વિશેષ કૃપા અને આશીર્વાદ જળવાયેલા રહે છે. મેષ રાશિનો સ્વામી મંગળ ગ્રહ છે. મંગળ હિંમત, બળ, શૌર્ય અને બહાદુરીનો કારક છે. ભગવાન ગણેશની વિશેષ કૃપાને કારણે આ રાશિના લોકોના દરેક કામ જલ્દીથી પૂરા થાય છે અને ઉત્તમ પરિણામ પ્રાપ્ત થાય છે.
મિથુન રાશિ – મિથુન રાશિનો સ્વામી ગ્રહ બુધ હોય છે. જ્યોતિષ શાસ્ત્રમાં બુધ ગ્રહને વેપાર, ગણિત, તર્ક, સંચાર અને બુદ્ધિનો કારક માનવામાં આવે છે. શિવના પુત્ર ભગવાન ગણેશ આ રાશિના લોકો પર ઝડપથી પ્રસન્ન થઈ જાય છે. નોકરી અને વ્યવસાય કરતા લોકો પર ભગવાન ગણેશની વિશેષ કૃપા રહે છે. આ રાશિના લોકો પર ભગવાન ગણેશની કૃપાને કારણે તેમના કાર્યો જલ્દી પૂરા થાય છે અને ઈચ્છિત પરિણામ પ્રાપ્ત થાય છે.
(ડિસ્ક્લેમર : અહીં આપેલી માહિતી સામાન્ય ધારણાઓ અને માહિતી પર આધારિત છે. અમે તેની પુષ્ટિ કરતા નથી.)
આ માહિતી એબીપી અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
