જોક્સ :
એક વાર મીના બીમાર પડી. તેના ઘરવાળા તેને ફેમિલી ડોક્ટર પાસે લઇ ગયા.
તેને તપાસ્યા પછી ડોક્ટરે કહ્યું : ગભરાવા જેવું કશું નથી. બસ એનું પેટ ખરાબ છે.
એટલામાં મીના બોલી : પણ ડોક્ટર સાહેબ હું તો રોજ સાબુથી ઘસી ઘસીને ન્હાવુ છું, જુઓ મારું પેટ કેટલું સાફ છે.
જોક્સ :
પતિ અચાનક પત્નીને ધોવા લાગ્યો.
લોકોએ પૂછ્યું શું થયું ભાઈ?
પતિએ કહ્યું : મને વશ કરવા તેણે મારી ચા માં તાવીજ નાખ્યું છે. તે મને મારી માં થી દૂર લઈ જવા માંગે છે.
પત્નીએ ગુસ્સામાં કહ્યું : તે તાવીજ નથી ટી બેગ છે અભણ.
જોક્સ :
શિક્ષક : વિદેશપ્રવાસ કરનાર પ્રથમ ભારતીય મહિલા કોણ હતી?
મગન : સીતા માતા.
જોક્સ :
કાકી : દીકરા તારો અભ્યાસ કેવો ચાલે છે?
ટીટુ : બસ કાકી, ચાલતાં ચાલતાં બહુ દૂર જતો રહ્યો છે.
જોક્સ :
પપ્પુ ઓનલાઇન કોર્સથી ડોક્ટર બન્યો. તેણે પહેલું ઓપરેશન કર્યું.
પપ્પુ : તમારા માટે એક સારા અને એક માઠા સમાચાર છે.
દર્દી : તો પહેલા સારા સમાચાર આપો.
પપ્પુ : તમારો રોગગ્રસ્ત પગ હવે સારો થઈ રહ્યો છે.
દર્દી : અને માઠા સમાચાર?
પપ્પુ : ભૂલથી મેં તમારા સાજા પગનું ઓપરેશન કરી દીધું છે.
જોક્સ :
મોહનલાલ : તમે જાણો છો કે જો કોઈ ભૂલ થાય તો શું કરવું?
સોહનલાલ : ના, હું નથી જાણતો. તમે જ કહો શું કરવું જોઈએ?
મોહનલાલ : વ્યક્તિએ શાંતિથી બેસીને એ વિચારવું જોઈએ તે ભૂલને કોના માથે ચડાવવી.
જોક્સ :
બાળક : મમ્મી, શું બધી વાર્તાઓ ‘એક રાજા હતો…’ થી જ શરૂ થાય છે?
મમ્મી : ના દીકરા, એ તો બહુ જુની વાત છે.
હવે તો જે વાર્તાઓ રાતે તારા પપ્પા મને સંભળાવે છે તે ‘આજે મારો દિવસ જ ખરાબ હતો….’ થી શરૂ થાય છે.
જોક્સ :
વિદ્યાર્થી : સર…
માસ્તર : હા બોલ…
વિદ્યાર્થી : મેં જે કામ નથી કર્યું તેની સજા તમે મને આપશો?
માસ્તર : ના, બિલકુલ નહિ. બોલ શું વાત છે?
વિદ્યાર્થી : મેં આજે હોમવર્ક નથી કર્યું.
જોક્સ :
મોટો ભાઈ (નાના ભાઈને) : જયારે હું ગીત ગાઉ ત્યારે તું બહાર કેમ ઊભો રહી જાય છે?
નાનો ભાઈ : જેથી આજુબાજુમાં રહેતા લોકોને એમ ન થાય કે આવું બેસૂરું ગીત હું ગાઉ છું!
જોક્સ :
ભૂગોળના શિક્ષકે ટીટુને પૂછ્યું,
શિક્ષક : ગંગા ક્યાંથી નીકળે છે અને ક્યાં મળે છે?
ટીટુ : તે સ્કૂલે આવવા માટે મેકઅપ કરીને ઘરેથી નીકળે છે, અને સ્કૂલની પાછળ રાજુને મળે છે.
જોક્સ :
શોપિંગ મોલમાં એક મહિલા સતત એક યુવકને જોઈ રહી હતી.
પછી તે યુવક જેવો બિલ કાઉંટર તરફ વધ્યો કે એ મહિલા તેની પાસે આવીને બોલી,
દીકરા, તું મારા પુત્ર જેવો દેખાય છે.
યુવક લાગણીશીલ થઈને તેમને પગે લાગ્યો અને કહ્યું, તમે મારા માટે મારી મમ્મી જેવા જ છો.
મહિલા તેને ‘સુખી રહે…’ એવા આશીર્વાદ આપીને પોતાનો સામાન લઈને નીકળી ગઈ.
પછી યુવકે બિલ કાઉંટર પર બિલ માંગ્યું તો તેણે 2 બિલ આપતા કહ્યું,
આ તમારું 500 રૂપિયાનું બિલ, અને તમારા મમ્મી ગયા તેમનું 3200 રૂપિયાનું બિલ.
