દરેક શિવ મંદિરમાં ભગવાન શંકર સમક્ષ નંદીની મૂર્તિ કેમ હોય છે, જાણો તેનું કારણ.
નંદી એ ભગવાન ભોલેનાથનું વાહન છે. તેમને ભગવાન ભોલેનાથના દ્વારપાળ પણ કહેવામાં આવે છે. એવું માનવામાં આવે છે કે જો તમે ભગવાન શિવના આશીર્વાદ મેળવવા માંગતા હોવ, તો તેમની સવારી નંદીને પ્રસન્ન કરવા ખુબ જરૂરી છે. તમે જોયું જ હશે કે મંદિરમાં ભગવાન ભોલેનાથના દર્શન કરતા પહેલા લોકો નંદીની સામે હાથ જોડીને કાનમાં કંઈક કહે છે. પણ તેની પાછળનું કારણ શું છે? અને તેનું રહસ્ય શું છે? ચાલો તમને જણાવીએ.
નંદી શિવના સૌથી મોટા ભક્ત છે :
જ્યારે દેવતાઓ અને દાનવો વચ્ચે સમુદ્ર મંથન થયું ત્યારે ભગવાન શિવે હળાહળ ઝે-ર પીને આ સંસારનો ઉદ્ધાર કર્યો. ઝે-ર-ના કેટલાક ટીપાં જમીન પર પડ્યા, જેને નંદીએ પોતાની જીભથી ચાટી લીધા. નંદીનું આ સમર્પણ જોઈને ભગવાન શિવે તેમને તેમના સૌથી મોટા ભક્તનું બિરુદ આપ્યું અને આશીર્વાદ આપ્યા કે, લોકો તેમના દર્શન પહેલા નંદીના દર્શન કરશે.
નંદીની કૃપા :
નંદીને ભગવાન શિવના દ્વારપાળ કહેવામાં આવે છે. ભગવાન શિવના દર્શન કરતા પહેલા નંદીના દર્શન કરવા પડે છે. નંદી ભક્તની પરીક્ષા લે છે. આ પરીક્ષામાં પાસ થનારા લોકો માટે નંદી ભગવાન શિવના દરવાજા ખોલી દે છે. ભગવાન શિવ સમક્ષ, ભક્તો નંદીના કાનમાં તેમની ઇચ્છાઓ બોલે છે, જો નંદી તમારી ઇચ્છા શિવને કહે છે, તો શિવ ચોક્કસપણે તમારી ઇચ્છા પૂરી કરશે.
નંદી કેવી રીતે શિવના ગણ બન્યા :
કહેવાય છે કે શિવની કઠોર તપશ્ચર્યા બાદ શિલાદ ઋષિએ નંદીને પુત્ર સ્વરૂપે મેળવ્યા હતા. નંદીને તેમના પિતાએ સમગ્ર વેદોનું જ્ઞાન આપ્યું હતું. એક દિવસ બે દિવ્ય ઋષિ શિલાદ ઋષિના આશ્રમમાં આવ્યા. નંદીએ બંનેની ખૂબ સેવા કરી. ઋષિ ખૂબ જ પ્રસન્ન થયા. તેમણે શિલાદ ઋષિને લાંબા આયુષ્યનું વરદાન આપ્યું પણ નંદીને આપ્યું નહીં. જ્યારે શિલાદ ઋષિએ તે દૈવી ઋષિઓ પાસેથી કારણ જાણવા માગ્યું ત્યારે તેમણે કહ્યું કે નંદી અલ્પજીવી છે. આ સાંભળીને ઋષિ શિલાદ ચિંતિત થઈ ગયા.
જ્યારે નંદીએ પિતાને તેમની ચિંતાનું કારણ પૂછ્યું તો તેમણે તેમને સત્ય કહ્યું. આ સાંભળીને નંદી હસવા લાગ્યા અને કહ્યું કે શિવની કૃપાથી તમે મને પ્રાપ્ત કર્યો છે અને તે મારી રક્ષા કરશે. આ પછી નંદીએ ભુવન નદીના કિનારે શિવની સખત તપસ્યા કરી. જ્યારે શિવ પ્રગટ થયા ત્યારે નંદીએ કહ્યું કે તે આખી જીંદગી તેમની સાથે રહેવા માંગે છે. શિવ નંદીના સમર્પણથી પ્રસન્ન થયા અને તેને બળદનું મુખ આપીને પોતાનું વાહન બનાવ્યું અને તેને પોતાના ગણમાં સામેલ કર્યા. આ સાથે તેમણે આશીર્વાદ પણ આપ્યા કે જ્યાં તેઓ નિવાસ કરશે ત્યાં નંદી પણ રહેશે.
નંદીના લગ્ન : નંદીના લગ્ન મારુતની પુત્રી સુયશા સાથે થયા છે.
ડિસ્ક્લેમર : આ આર્ટિકલમાં સમાવિષ્ટ કોઈ પણ જાણકારી / સામગ્રી / ગણનામાં ચોકસાઈ અથવા વિશ્વસનીયતાની ગેરેંટી નથી. અલગ અલગ માધ્યમો / જ્યોતિષીઓ / પંચાંગ / માન્યતાઓ / ધર્મ ગ્રંથોમાંથી સંગ્રહિત કરીને આ જાણકારી તમારા સુધી પહોંચાડવામાં આવી છે. અમારો હેતુ ફક્ત જાણકારી પહોંચાડવાનો છે, તેના ઉપયોગકર્તા આને ફક્ત જાણકારીની રીતે જ લે. તેનાથી વધારે તેના ઉપયોગની જવાબદારી પોતે ઉપયોગકર્તાની જ રહેશે.
આ માહિતી ઇન્ડિયા ટીવી અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
