સારું ઘર, ગાડી, બેંક બેલેન્સ, નોકરી, સુખી જીવન એ મોટાભાગના લોકોનું સપનું હોય છે. જો તમામ પ્રયત્ન પછી પણ આ સ્વપ્નને સાકાર કરવામાં અવરોધો આવી રહ્યા હોય તો વાસ્તુ શાસ્ત્ર અને જ્યોતિષમાં જણાવેલા ઉપાય કરવાની સલાહ આપવામાં આવે છે. આમાં, રોટલીનો એક ઉપાય ખૂબ અસરકારક છે.
તમારા પરિવારને સુખી જીવન આપવું અને પોતે વૈભવી જીવન જીવવાની ઈચ્છા રાખવી એ ખોટું નથી, પરંતુ આ સપનું પૂરું કરવું પણ સરળ નથી. ઘણી વખત વ્યક્તિ મહેનત કર્યા પછી પણ પૂરતા પૈસા કમાઈ શકતો નથી, જેથી તે અને તેનો પરિવાર આરામથી જીવી શકે. તેની પાછળ કુંડળીની ગ્રહ સ્થિતિ, ભાગ્ય, કર્મ વગેરે ઘણા કારણો હોય છે. જ્યોતિષ શાસ્ત્ર અને વાસ્તુ શાસ્ત્રમાં આવી ઘણી સમસ્યાઓ માટે ઉકેલો આપવામાં આવ્યા છે, જે વ્યક્તિને ઘણી મદદ કરી શકે છે. આજે આપણે જાણીશું રોટલી સંબંધિત કેટલાક ઉપાયો, જે ખૂબ જ અસરકારક છે.
રોટલી દ્વારા નાણાકીય કટોકટી દૂર કરો : જો પિતૃ દોષ કે કાલસર્પ દોષને કારણે ગરીબી, નિષ્ફળતા, વિવિધ સમસ્યાઓ પીછો નથી છોડી રહી તો રોટલીના આ સરળ ઉપાય કરો. આ માટે જ્યારે પણ તમે રોટલી બનાવો ત્યારે પહેલી રોટલીમાં ઘી લગાવો અને તેના ચાર ટુકડા કરી લો. પછી આ ટુકડાઓને ખાંડ, ગોળ કે ખીર વગેરે સાથે એક ટુકડો ગાયને, બીજો કૂતરાને, ત્રીજો કાગડાને અને ચોથો ટુકડો ભિખારીને આપો.
આમ કરવાથી કુંડળીના ઘણા દોષો દૂર થશે અને ધીમે ધીમે તમારા જીવનમાં આર્થિક સમૃદ્ધિ વધવા લાગશે. જે લોકો પોતાનું ઘર ખરીદી શકતા નથી તેઓ પણ આ ઉપાય કરી શકે છે.
નોકરીમાં આવતા અવરોધો દૂર કરવા માટે રોટલીનો ઉપાય : જો તમને ઈચ્છિત નોકરી ન મળી રહી હોય અથવા તમારી પ્રગતિમાં અવરોધો આવી રહ્યા હોય, તો રોટલી રાખવા માટે વાસણમાંથી નીચેથી ત્રીજી રોટલી કાઢી લો, પછી વચ્ચેની આંગળીમાં તેલ લગાવો અને રોટલી પર સીધી રેખા દોરો. આ પછી, આ રોટલીના 2 ટુકડા કરો અને તેને અલગ અલગ રંગોના 2 કૂતરાઓને ખવડાવો. રવિવાર કે ગુરુવારે કરો આ ઉપાય કરવાથી થોડા દિવસોમાં તમારી નોકરી સંબંધિત સમસ્યાઓ દૂર થઈ શકે છે.
કીડીઓને રોટલી ખવડાવો : જો તમારું જીવન ઘણી બધી સમસ્યાઓથી ઘેરાયેલું છે અને તેમાંથી બહાર નીકળવાનો કોઈ રસ્તો નથી, તો રોટલીના નાના ટુકડા કરો અને તેમાં ખાંડ ઉમેરો અને કીડીઓને નાખો. આ ઉપાય ઝડપી અસર બતાવે છે.
ઘરમાં કલેશ દૂર કરવા માટે રોટલીનો ઉપાય : દરરોજ પ્રથમ રોટલી ગાય માટે અને છેલ્લી રોટલી કૂતરા માટે કાઢો. જો શક્ય હોય તો ઘરના દરેક સભ્ય ભોજન કરે તે પહેલાં ગાયને રોટલી ખવડાવો. આમ કરવાથી ઘરમાં સુખ અને પ્રેમ વધે છે.
ડિસ્ક્લેમર : અહીં આપેલી માહિતી માત્ર માન્યતાઓ અને જાણકારીઓ પર આધારિત છે. અમે તેની પુષ્ટિ કરતા નથી. અત્રે એ ઉલ્લેખ કરવો જરૂરી છે કે અમે કોઈપણ પ્રકારની માન્યતા, જાણકારીને સમર્થન આપતા નથી.
આ માહિતી ઝી ન્યુઝ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
