કોણ છે તે કૂતરો જેની સાથે પોતાનું ઓફિસ પણ શેયર કરે છે રતન ટાટા, જાણીને તમે પણ થશો ચકિત
રતન ટાટાનો કૂતરો, ઉદ્યોગપતિ રતન ટાટાએ ગોવા નામનો કૂતરો દત્તક લીધો છે. ગોવા આખો દિવસ રતન ટાટા સાથે રહે છે. તે તેમની સાથે મીટિંગમાં પણ ગોવાને લઈ જાય છે.
ભારતના પ્રખ્યાત ઉદ્યોગપતિ રતન ટાટા તેમની સાદગી માટે જાણીતા છે. તેમની આવી જ એક સ્ટોરી સોશિયલ મીડિયા પર વાયરલ થઈ રહી છે. જ્યાં કરિશ્મા મહેતા નામની મહિલાએ તેમના જોરદાર વખાણ કર્યા છે. કરિશ્માએ જણાવ્યું કે એક વખત તે રતન ટાટાનો ઈન્ટરવ્યુ લેવા ગઈ હતી, તે દરમિયાન તેમની ખુરશીની બાજુમાં એક કૂતરો બેઠેલો જોવા મળ્યો હતો. કરિશ્માએ તેની મીટિંગને યાદગાર ગણાવી હતી અને આ મીટિંગમાં ઘણી જે વાતો અજાણી હતી એના વિષે વિશે વાત કરી હતી.
કરિશ્મા મહેતા હ્યુમન્સ ઓફ બોમ્બેના સ્થાપક અને સીઈઓ છે. તેમણે Linkedin પર રતન ટાટા સાથેની તેમની મુલાકાતની વાર્તા શેર કરી છે. કરિશ્માએ લખ્યું છે કે, ‘હું રતન ટાટાની ઓફિસની બહાર રાહ જોઈ રહી હતી, મેં જોયું કે એક કૂતરો તેમની ખુરશી પાસે બેઠો હતો. આ મારા જીવનની સૌથી મોટી ગભરામણ હતી. મને કૂતરાથી બહુ ડર લાગતો હતો અને હું જેનું ઈન્ટરવ્યુમાં લેવા ગઈ હતી, તેની હું લાંબા સમયથી રાહ જોઈ રહી હતી.
કરિશ્માએ પોતાની પોસ્ટમાં આગળ જણાવ્યું છે કે આ દરમિયાન મેં રતન ટાટાના આસિસ્ટન્ટ શાંતનુને કહ્યું કે મને ડર લાગે છે, કદાચ તેમણે (રતન ટાટા) મારી વાત સાંભળી હશે. તેમણે મને પૂછ્યું, ‘શું થયું, તમે બરાબર તો છોને? આ પછી શાંતનુએ રતન ટાટાને કહ્યું, ‘તે કૂતરાથી ડરે છે’.
કૂતરાને ટાટાએ દત્તક લીધો હતો.
કરિશ્માના પ્રમાણે, રતન ટાટાએ કહ્યું કે તેણે ગોવાને દત્તક લીધો છે. ગોવા આખો દિવસ રતન ટાટા સાથે રહે છે. ત્યાં સુધી કે તે મીટિંગમાં પણ ગોવાને લઈ જાય છે.
26/11 ના અકસ્માતમાં પીડિત યુવતીનો પણ ઉલ્લેખ થયો
કરિશ્માએ પોતાની પોસ્ટમાં વધુમાં જણાવ્યું કે રતન ટાટાને 26/11ના અકસ્માતમાં પીડિત છોકરી વિશે પણ જણાવવામાં આવ્યું હતું અને તેને કેવી રીતે વળતર ન મળ્યું. આ પછી ટાટા ટ્રસ્ટે સંપર્ક કર્યો, જેથી બાળકીની સંપૂર્ણ સંભાળ રાખી શકાય.
આના ઉપર રતન ટાટા હસી પડ્યા, તેમણે પોતાની ખુરશી કૂતરા તરફ ફેરવી અને કૂતરાને સંબોધીને કહ્યું, ‘ગોવા (કૂતરાનું નામ) તે તારાથી ડરે છે, તેથી સારા છોકરાની જેમ બેઠેલો રહેજે’. આ પછી રતન ટાટાએ કરિશ્માને કહ્યું કે ચાલો. કરિશ્માએ પોતાની પોસ્ટમાં આગળ જણાવ્યું કે તેમની વાતચીત આગામી 30 થી 40 મિનિટ સુધી ચાલી. પરંતુ ગોવા તેમની પાસે ન આવ્યો. મને એ વિચારીને આશ્ચર્ય થયું કે મારી સાથે આવું ક્યારેય બન્યું ન હતું.
આ માહિતી આજતક અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
(નોંધ : આ લેખમાં આપવામાં આવેલી માહિતી સામાન્ય જાણકારી અને ઈન્ટરનેટ દ્વારા આપવામાં આવેલ માહિતી ઉપર આધારિત છે. અમે તેની પુષ્ટિ નથી કરતા.)
