ઘરમાં માછલીઘર રાખો છો આ રંગની એક માછલી હોવી જ જોઈએ, જાણો તેને મુકવાની દિશા.
આજકાલ ઘરોમાં ફિશ એક્વેરિયમ એટલે કે માછલીઘર રાખવાનું ચલણ ઘણું વધી ગયું છે. આ ફિશ એક્વેરિયમ બજારમાં નાનીથી મોટી સાઈઝમાં સરળતાથી ઉપલબ્ધ હોય છે. ફેંગશુઈમાં ફિશ એક્વેરિયમ ખૂબ જ ખાસ માનવામાં આવે છે.
એવું કહેવાય છે કે તેને ઘરમાં રાખવાથી સકારાત્મક ઉર્જા જળવાઈ રહે છે, જેના કારણે આપણને ઘણા ફાયદા થાય છે. તેનું કારણ એ છે કે માછલી હંમેશા એક્ટિવ (સક્રિય) રહે છે, તે એક જગ્યાએ ટકી રહેતી નથી, જેના કારણે તેને ઘરમાં ઉર્જા લાવવા અને આસપાસના વાતાવરણમાંથી આળસ અને નકારાત્મક ઉર્જા દૂર કરનાર માનવામાં આવે છે.
ફિશ એક્વેરિયમને લઈને ફેંગશુઈમાં ઘણા નિયમો છે. જો આ નિયમોનું યોગ્ય રીતે પાલન કરવામાં આવે તો જ તે આપણને શુભ ફળ આપે છે, નહીં તો તે આપણા માટે મુશ્કેલીનું કારણ પણ બની શકે છે. જાણો ફિશ એક્વેરિયમ સાથે જોડાયેલી ખાસ બાબતો વિશે.
માછલીઘરમાં કેટલી માછલીઓ હોવી જોઈએ?
ફેંગશુઈના નિષ્ણાંતોના મતે, ઘરના માછલીઘરમાં માછલીઓની સંખ્યા ઓછામાં ઓછી 9 હોવી જોઈએ. તેમાંથી 8 માછલી લાલ અને સોનેરી રંગની અને એક માછલી કાળા રંગની હોવી જોઈએ. એવું કહેવાય છે કે કાળા રંગની માછલી રક્ષણનું પ્રતીક છે. તે ઘરને નકારાત્મક ઉર્જાથી બચાવે છે. જો માછલીઘરમાં કોઈપણ માછલી મ-રી-જા-ય, તો તેને તાત્કાલિક દૂર કરવી જોઈએ અને તે જ રંગની બીજી માછલી ઉમેરવી જોઈએ. ફેંગશુઈ અનુસાર, જ્યારે પણ માછલીઘરમાં માછલી મ-રી-જા-ય છે, ત્યારે તે તેની સાથે નકારાત્મક ઉર્જા લઈ જાય છે.
ઘરમાં માછલીઘર ક્યાં રાખવું?
ફેંગશુઈ અનુસાર ઘરમાં ફિશ એક્વેરિયમ રાખતી વખતે લોકેશનનું ધ્યાન રાખવું જોઈએ, કારણ કે તેને ખોટી દિશામાં રાખવાથી પણ નકારાત્મક અસર થઈ શકે છે. ઘરની પૂર્વ, ઉત્તર અથવા ઉત્તર-પૂર્વ દિશામાં ફિશ એક્વેરિયમ રાખવું શુભ માનવામાં આવે છે. અહીં ફિશ એક્વેરિયમ રાખવાથી સકારાત્મક ઉર્જા વધે છે. એક્વેરિયમ રસોડામાં ન રાખવું જોઈએ કારણ કે રસોડામાં અગ્નિ તત્વ પ્રબળ છે અને માછલીઘર એ પાણીના તત્વનું પ્રતીક છે. વિરોધી તત્વોને એક જગ્યાએ રાખવાથી સમસ્યાઓ થઈ શકે છે.
આ બાબતો ધ્યાનમાં રાખો :
ફેંગશુઈ અનુસાર માછલીઘર આપણા ઘરનું વાતાવરણ ખુશહાલ રાખે છે, તેનાથી પરિવારમાં સુખ-સમૃદ્ધિ જળવાઈ રહે છે. ફેંગશુઈમાં માછલીને બિઝનેસમાં સફળતા અને વૃદ્ધિનું પ્રતીક પણ માનવામાં આવે છે. એક્વેરિયમનું પાણી સમયાંતરે બદલવું જોઈએ. તેનાથી તેની સકારાત્મક ઉર્જાનું સ્તર જળવાઈ રહે છે.
(ડિસ્ક્લેમર : અહીં આપેલી માહિતી સામાન્ય ધારણાઓ અને માહિતી પર આધારિત છે. અમે તેની પુષ્ટિ કરતા નથી.)
આ માહિતી એશિયા નેટ ન્યુઝ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
