જૂન મહિનામાં આ 5 ગ્રહો એક સીધી રેખામાં દેખાશે, જ્યોતિષ અનુસાર તેની અસર આપણા જીવન પર પણ જોવા મળશે.
જૂન મહિનામાં આકાશમાં પાંચ ગ્રહોના મિલનનો અદભૂત નજારો જોવા મળશે. અને તેની ખાસ વાત એ છે કે તમે આ અદ્ભુત નજારો તમારી નરી આંખોથી જોઈ શકશો. ખગોળશાસ્ત્રીઓના મતે આ દુર્લભ નજારો હજારો વર્ષમાં માત્ર એક જ વાર જોવા મળે છે.
જ્યોતિષના મતે બુધ, ગુરુ, શુક્ર, મંગળ અને શનિ એક સીધી રેખામાં આવવાનો એક વિશેષ અર્થ છે. તેની અસર આપણા જીવન પર પણ જોવા મળે છે. જો કે, એવું પણ કહેવામાં આવી રહ્યું છે કે આકાશમાં એક રેખામાં રહેતા ગ્રહો સાથે ચંદ્રનું મિલન પણ લોકોના જીવનમાં ઉથલપાથલ લાવી શકે છે.
જૂનમાં આ ઘટના ક્યારે બનશે?
જૂનના અંતિમ દિવસોમાં આ પાંચ ગ્રહો ચંદ્રની સાથે સળંગ અને સીધી રેખામાં ચમકતા જોવા મળશે. અનુમાન લગાવવામાં આવી રહ્યું છે કે, જૂન 2022 પછી આ દુર્લભ ખગોળીય નજારો 1000 વર્ષ પછી જ ફરી જોવા મળશે. આકાશમાં, તમે કોઈપણ સાધન વિના આ ગ્રહોને પૂર્વ દિશામાં સરળતાથી જોઈ શકશો.
ખગોળશાસ્ત્રીઓ આ અસાધારણ ઘટનાને ગ્રહોની પરેડ ગણાવી રહ્યા છે. વળી, જ્યોતિષ શાસ્ત્રમાં આ ખાસ ઘટનાનો માનવ જીવન પર ઊંડો પ્રભાવ પડશે એવું કહેવામાં આવે છે.
ખગોળશાસ્ત્રીઓના મતે આ પાંચ ગ્રહોને એક સીધી રેખામાં જોવા માટે તમારે સવારે વહેલા ઉઠવું પડશે. કારણ કે બુધ ગ્રહ સૂર્યના ઉદયની સાથે જ અદૃશ્ય થઈ જાય છે. સૂર્યોદય પહેલા જાગવા પર આ પાંચ ગ્રહો આખા મહિના સુધી પૂર્વ દિશામાં એકસાથે દેખાશે.
જો કે, તમે 24 જૂને આ મનોહર દ્રશ્યનો સૌથી અદભૂત નજારો જોઈ શકશો. આ દિવસે પાંચ ગ્રહો લગભગ એક કલાક સુધી એક સીધી રેખામાં દેખાશે. મહિનાના અંતમાં અર્ધચંદ્રાકાર ચંદ્ર પણ શુક્ર અને મંગળની વચ્ચે અતિથિ તરીકે સામેલ થશે.
આ માહિતી પત્રિકા અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
