જોક્સ :
“મોડેલ પ્રમાણે રીપેરીંગ”
ટીવી મીકેનીકને ડોકટરે કહ્યું, “તમારી ફી તો અમારા કરતાં પણ ચઢી ગઇને?”
“તમારે તો ફક્ત માનવીનાં એક ના એક જ મોડલનું રીપેરીંગ કરવાનું,
જ્યારે અમારે તો દર વર્ષે બદલાતા નવા નવા ટીવી મોડલોનું રીપેરીંગ કરવાનું હોય છે!” – ટીવી મીકેનીક બોલ્યો.
જોક્સ :
“મુશ્કેલ છે છતાં નથી”
રમેશ : “ડોકટર સાહેબ! મારા કાકાએ તમે આપેલી દશ ગોળામાંથી ફક્ત ચાર ગોળી જેવી લીધી કે તરત જ ઉ ક લી ગયા!”
ડોકટર : “સારૂ થયું, ભાઈ! કાકાએ એકકી સાથે દશ ગોળી નહીં લીધી.
જો લીધી હોત તો શું થાત? એ કહેવું મુશ્કેલ છે!”
જોક્સ :
“લાઇફ ટાઇમ ગેરેન્ટી”
“ડોકટર સાહેબ! મને સારું થઈ જશે ને? ” હાર્ટના દર્દીએ પૂછ્યુ.
“તમે નાહકના ગભરાવો છો! હું તમને ગૅરન્ટી આપુ છું કે,
તમે જીવશો ત્યાં લગી, તમારા હાર્ટને જરા સરખી આંચ નહીં આવે!” – ડોકટર બોલ્યા.
જોક્સ :
“કોણ પીએ ને કોણ જીવે?”
તમારી દવાથી મને ખૂબ જ ફાયદો થયો ડૉકટર સાહેબ?”
“તમે મારી દવા તો લીધી નથી. એવું મને યાદ છે!”
“મેં નહીં પણ મારા મામાએ તમારી દવા પીધેલી તે કાલે જ સ્વર્ગે સીધાવી ગયા ને મારા માટે મોટો દલ્લો મૂકતા ગયા!”
જોક્સ :
“મૂંઝવણનો ઉકેલ”
પપ્પુ : “ડૉકટર સાહેબ! તમારો કેમ આભાર માનવો એ હું સમજી શકતો, નથી! હું મૂઝાવું છું!”
ડૉક્ટર : “જરાયે મૂંઝાશો નહીં. જ્યારથી રૂપિયાનું ચલણ વ્યવહારમાં ફરતું થયું છે ત્યારથી એ તમારી મૂંઝવણનો પ્રશ્ર હલ થયો છે!”
જોક્સ :
“માથાં માથે મગજમારી“
ડોક્ટર : “જૂઓ, તમારે થોડા મહિના માટે માથાને લગતી મગજમારી કરવાની નથી!”
મોહન : “પણ સાહેબ! માથા પર તો મારા જીવનનો આધાર છે!”
ડોક્ટર : “તમે કોઈ લેખક કે વૈજ્ઞાનિક છો.”
મોહન : “ના સાહેબ! હું તો ફકત એક હજામ છું! ”
જોક્સ :
“કન્સલ્ટીંગ ફી”
ડોક્ટર : “મીકેનીક ભાઇ, મારા ટીવીમાં કશી ખરાબી નથી. છતાં આટલા બધા શેના પેસા!”
મીકેનીક : મારી કન્સલ્ટ ફીના, ડૉક્ટર સાહેબ.”
ડોક્ટર : “હોય વળી?”
મીકેનીક : “કેમ નહીં? ગયે મહિને હું મારી તબિયત બતાવવા તમારી પાસે આવ્યો હતો.
મારી તબિયતમાં કશો તડો નહોતો પડયો છતાં તમે તમારી કન્સલ્ટીંગ કચકચાવીને નહોતી લીધી?”
જોક્સ :
“જરૂર હોય તો જરૂર કરજો”
“અમારા ડૉકટરને જરૂર લાગે તો જ ઓપરેશન કરે છે. બાકી ધડ દઇને ના જ પાડી દેય છે!”
“શેની જરૂર?!”
“પૈસાની તો વળી!”
જોક્સ :
“બીજી પત્નીનો દુ:ખાવો”
કાકા : “એલાવ! ડૉકટર સાહેબ! જલદી આવો. મારી પત્નીને એપેન્ડિકસનો દુઃખાવો ખૂબ જ ઉપડયો છે.
ડૉક્ટર : “કાકા, એ કેમ બને? મેં એમનું એપેન્ડિકસનું ઓપરેશન એક વાર કર્યું હોવાથી, બીજી વાર એ થાય જ નહીં!”
કાકા : “એપેન્ડિક્સ બીજી વાર નહીં થાય પરંતુ તારી કાકી તો બીજીવારની થાય ને?”
જોક્સ :
“ફકત એક વાર અજમાવી જુઓ”
એક નવાસવા ડૉકટરે નવું દવાખાનું ખોલ્યું અને બોર્ડ લટકાવ્યું.
મારા દવાખાનામાંથી જે કોઈ દર્દી દવા એક વાર લઈ જાય છે. એ ફરી પાછો દવા લેવા માટે ફરકતો નથી!
(જીવે તો ને?)
જોક્સ :
“ઉઘરાણીએ કોની રાણી?”
પાડોશી : તમારા ધરમાં કોણ સિરિયસ થઇ ગયું?
મગન : કેમ?
પાડોશી : તમારા ધરમાંથી નિકળતા ડૉક્ટર સાહેબનું મોં સિરિયસ હતું માટે!
મગન : યાર! એ તો ડૉકટર સાહેબ, એના બિલની ઉઘરાણી કરવા આવ્યા હતા.
તે મેં એને ખખડાવી નાંખ્યા, કે ધીરજ જેવું કશું છે કે નહીં?
