રોજ ઘરે રંગોળી બનાવવી માનવામાં આવે છે શુભ, તેના લાભ જાણીને થઇ જશો ચકિત.
રંગોળી મોટાભાગે દિવાળી અથવા કોઈપણ તહેવાર અને શુભ પ્રસંગોએ બનાવવામાં આવે છે. વાસ્તુ શાસ્ત્રમાં રંગોળીનું મહત્વ જણાવવામાં આવ્યું છે. આવો જાણીએ કે જો તમે રોજ ઘરે રંગોળી બનાવશો તો શું થશે.
1) વિવિધ રંગો અને ફૂલોથી બનેલી રંગોળી તમારા ઘર અને આસપાસના વાતાવરણમાં સકારાત્મક ઉર્જાનો સંચાર કરે છે, જે મનને ખુશ કરે છે અને વાતાવરણ ખૂબ જ સકારાત્મક બને છે. તે તમારા સ્વાસ્થ્યને પણ અસર કરે છે.
2) ભારતમાં રંગોળી ખાસ કરીને હોળી, દિવાળી, નવદુર્ગા ઉત્સવ, મહાશિવરાત્રી અને વિવિધ તહેવાર પર બનાવવામાં આવે છે. રંગોળીને શ્રી અને સમૃદ્ધિનું પ્રતિક માનવામાં આવે છે.
3) એવું માનવામાં આવે છે કે જેના ઘરમાં દરરોજ સુંદર રંગોળી દોરવામાં આવે છે ત્યાં લક્ષ્મીજી વાસ કરે છે.
4) પૂજા ઘર અને મુખ્ય પ્રવેશદ્વાર પર શુભ ચિહ્નોવાળી રંગોળી બનાવવાથી દૈવી શક્તિઓ આકર્ષાય છે. તેનાથી ઘરમાં ખુશી અને આનંદનું વાતાવરણ બને છે.
5) માન્યતા પ્રમાણે રંગોળીની આકૃતિઓ દુષ્ટ આત્માઓ અને દોષોને ઘરમાંથી દૂર રાખે છે.
રંગોળી બનાવવાના 5 ફાયદા :
1) રંગોળી બનાવવી એ એક કળા છે અને જે લોકો કલાપ્રેમી છે, તે શોખથી બનાવે છે. આવી સ્થિતિમાં રંગોળી બનાવવાનો પહેલો મોટો ફાયદો એ છે કે તમે તેને બનાવતી વખતે ખૂબ જ સકારાત્મક અનુભવો છો અને આ પ્રક્રિયા તમારા તણાવને છુમંતર કરી દે છે.
2) રંગોળી બનાવતી વખતે, તમારી આંગળી અને અંગૂઠો મળીને જ્ઞાનમુદ્રા બનાવે છે, જે તમારા મગજને ઊર્જાવાન અને સક્રિય બનાવવા તેમજ બૌદ્ધિક વિકાસમાં મહત્વપૂર્ણ ભૂમિકા ભજવે છે.
3) એક્યુપ્રેશરની દ્રષ્ટિએ પણ આ મુદ્રા તમારા સ્વાસ્થ્ય માટે ખૂબ અસરકારક છે. તે તમને હાઈ બીપીથી બચાવે છે અને માનસિક અને આધ્યાત્મિક શાંતિ પ્રદાન કરે છે.
4) રંગોની સકારાત્મક અને નકારાત્મક અસરોને વિજ્ઞાન અને વિવિધ તબીબી પ્રણાલીઓ દ્વારા માન્યતા આપવામાં આવી છે. જ્યારે તમે રંગોના સંપર્કમાં આવો છો, ત્યારે તેમના દ્વારા ઉત્સર્જિત ઊર્જા તમને અસર કરે છે, જેનાથી વિવિધ માનસિક અને શારીરિક સમસ્યાઓનો ઉપચાર શક્ય બને છે.
5) વિવિધ રંગો અને ફૂલોથી બનેલી રંગોળી તમારા ઘર અને આસપાસના વાતાવરણમાં સકારાત્મક ઉર્જાનો સંચાર કરે છે, જે મનને ખુશ કરે છે અને વાતાવરણ ખૂબ જ સકારાત્મક બને છે. તે તમારા સ્વાસ્થ્યને પણ અસર કરે છે.
(ડિસ્ક્લેમર : અહીં આપેલી માહિતી સામાન્ય ધારણાઓ અને માહિતી પર આધારિત છે. અમે તેની પુષ્ટિ કરતા નથી.)
આ માહિતી વેબ દુનિયા અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
